Viel Sproche geb’s in unserm Land,
E jedi is m’r recht.
Sie sin m’r all a gut bekannt,
Doch keni klingt m’r echt.
Am liebschte unner alle noch
Is m’r hat doch mei – Mottersproch.

Mei Motter hat se mich gelehrt,
drum is se m’r so lieb,
Un wer sei Mottersproch net ehrt,
Is schlechter als e Dieb.
Drum red’ un schreib ich immer noch
Es liebscht in meiner Mottersproch.

So fein wie Hochdeitsch is se net,
Un is a net so zart,
Doch steh ich gut defor un wett:
Sie is vun deitscher Art.
Drum hall ich iwer alles hoch
Mei liewi Phälzer-Mottersproch.
.....
Drum ruf’ ich jetzt schun dreimal hoch:
Lang lewe soll mei - Mottersproch!


Jürgen von der Schwalm (1848 – 1921)